Executive日記——艱難環境仍無私貢獻 紅會向義工致敬

  昨日係十二月五日,聯合國將每年呢一日定為「國際義工日」。香港紅十字會喺「國際義工日」向義工們致敬,尤其係向過去半年身處香港艱難環境中作出無私奉獻嘅義工,表達由衷嘅感謝和敬意。Kelly亦向佢哋說聲多謝。

  其中紅十字會義工譚偉邦自六月十三日起多次參與急救服務,與急救團隊喺多個不同地點設立急救站,為任何有需要嘅人士提供協助。佢哋曾為因政見不同而打鬥受傷嘅人士處理傷口;亦曾在街上為一個心跳一度停頓嘅長者施行心肺復甦法,直至他恢復心跳後送院。

  見證過不同傷者嘅情況,譚偉邦坦言,近月出勤,令佢對人道價值有更深刻嘅體會,「希望大眾優先考慮受影響人士嘅醫療需要,確保他們能及時得到醫療支援。」香港紅十字會再次強烈呼籲各方克制,以人道立場尋求解決方法去處理當前嘅問題,避免事件繼續惡化,對各方人士造成更嚴重嘅傷害。

Kelly Chu


hd