Executive日記——全新機動遊戲「狂野龍捲風」登場 「幻彩晶瑩聖誕樹」 閃爆海洋公園

  踏入十二月,又係開心迎接聖誕新年到臨嘅時刻,最好玩多啲,提升開心指數。海洋公園就為大家準備咗精采嘅聖誕節活動—「海洋公園聖誕全城Ho Ho Ho」又返嚟喇,由聽日起至明年一月一日,公園將一次過滿足大家,開心狂歡與影靚相嘅聖誕願望﹗今年海濱樂園廣場豎立別具藝術感嘅「幻彩晶瑩聖誕樹」,每日黃昏更有亮燈儀式,定必成為打卡熱點!

  海洋園方趁住聖誕佳節到臨,會喺本月二十日推出全新機動遊戲「狂野龍捲風」,以風車式巨型旋轉鋼臂配合自轉式座椅,喺三個唔同角度進行4G重力極速旋轉,等玩家感受進入龍捲風嘅強勁威力。

  公園亦將於明年一月十日起,每晚推出夜間綜合娛樂體驗「光影盛夜」,包羅光雕匯演同互動體驗。Kelly提提大家,由聽日起至明年一月五日,海洋公園將會推出香港居民專享嘅「孖住冬日優惠」,二人同行可獲高達七折優惠,兩位成人只需七百元,兩位小童則需三百五十元,有咗優惠,最啱一家大細或者約埋成班朋友一起去海洋公園玩番轉啦。

Kelly Chu


hd