Executive日記——「慈心地」周末市集 搜購本地農村出品

  又到年尾,喺時間消費,準備好聖誕同新年禮物送畀親友。Kelly愛血拼,當然有最新消費資訊益大家,一個名為「慈心地」(Cheers Days)嘅周末市集,逢周六周日喺大美督汀角路蘆慈田村內一幅空地舉行,小妹上周末去過,見到有二、三十個小攤檔,都係附近幾條村村民經營,售賣嘅嘢,好有特色,小妹最鍾意係有機蔬菜,新鮮又有益,買咗好多番屋企。仲有村民嘅手作精品,好似手工皂、陶瓷同其他手工藝品都有。主辦機構話,現在仍然係試業階段,希望多啲市民來享受鄉村嘅環境,消費之餘,又可以放慢腳步,歎下露天茶座嘅飲品和茶點,就好寫意㗎。

Kelly Chu


hd