Executive日記——Jetso App醒你勁減二千五 聖誕限量旅行套裝 實用又好玩

  仲有個半星期就到萬眾期待嘅聖誕節,除咗畀好耐無放假嘅Kelly享受下幾日連假,仲係節日派對飯局嘅季節。唔知大家完成咗買聖誕禮物呢個任務未?小妹已經四出採購聖誕禮物,但就對買咩畀姨甥仔就好頭痛,唔想又買玩具想買到實用得嚟又好玩嘅禮物。

  Kelly 留意到而家頭條Jetso App就推出咗狂想BUY聖誕限量旅行套裝,除咗有B.Duck 加持嘅U型旅行頸枕同摺疊式旅行袋,最吸引嘅係實用又玩得嘅Orite摺疊滑板行李箱。

  呢款二十一吋滑板行李箱啱晒係機場「飛馳」,可以當滑板咁玩,超靜音單向輪配備緩速金屬煞車片,安全耐磨,速度由你控制。堅固耐用嘅鋁合金拉桿、踏板唔用嘅時候仲可以「摺埋」當拉篋用,大人細路都啱。呢個限量旅行套裝Jetso App優惠價都只四百九十九蚊 (原價三千零七十八蚊) ,限量四百五十套,仲唔快啲掃描QR code用頭條Jetso App嘅獨家優惠券去家家禮品換領中心將佢地帶返屋企!

Kelly Chu


hd