Executive日記——《魔雪奇緣2》大熱 Elsa公主裙好搶手

  迪士尼動畫《魔雪奇緣2》一上映喺全球多個票房都打破紀錄,香港開畫首日票房亦破五百七十萬,成為本港史上動畫開畫票房No.1。香港迪士尼樂園度假區商品總監林齊娟(見圖)透露,由今年十月至今,總共售出超過三萬五千件《魔雪奇緣2》相關商品,其中Elsa同 Anna嘅公主裙同斗篷最搶手。

  林總監話《魔雪奇緣2》商品大熱,連帶推高整個《魔雪奇緣》系列嘅商品銷售,銷售額較去年同期上升超過三成。佢仲預告香港迪士尼喺下一季繼續推出約七十款全新嘅《魔雪奇緣》系列商品。各位Fans要留意喇!

Kelly Chu


hd