Executive日記——百勝角消防宿舍 「組裝合成」似砌積木

  發展局局長黃偉綸發表網誌,話預計明年底竣工嘅將軍澳百勝角消防處紀律部隊宿舍,喺香港首個採用「組裝合成」建築法(MiC)嘅工務工程(見圖)。 MiC採用「先裝修,後裝嵌」嘅概念,將建築物分成多個獨立單元,先喺廠房完成基本裝修、間隔和設備,包括地磚、窗花、浴缸、洗臉盆、廚櫃,以至水喉等,再運往工地裝嵌,好似「砌積木」咁疊起,從而縮短工地施工時間,有效提升生產力、工地安全、環保表現及成本效益。

  整個項目包括五幢樓宇,提供近六百五十個,五十平方米嘅三房單位。整項工程共有約三千八百個預製組件,俗稱「盒仔」。工程人員示範將一個預製組件吊起,再嵌入已設定嘅位置,全程只需約十五分鐘。Kelly希望,日後有更多項目採用MiC,縮短施工時間又環保啲!

Kelly Chu


hd