Executive日記——余似心參與畫展 名家筆下展現香江美

  前傳媒人、專欄作家余似心,熱愛繪畫,佢前幾年專程去歐洲習畫,精進自己嘅技法,創作甚豐,佢話畀Kelly知,佢聯同本港一批畫家,包括沈平、廖井梅、廖小平、陶傑等喺中央圖書館舉行一個名為「探索.跨越」嘅畫展,小妹一定會捧場,觀賞各位畫家筆下香江嘅美態。

  余似心對Kelly話,縱使同一道風景,同一位人物,同一個水果,每個人看到嘅形態都不一定相同。喺畫家眼中,各人嘅焦點可能是另一道線條,另一種色彩,另一番味道。不同嘅畫家就表達出相異嘅驚喜,所以佢好喜歡參觀畫展,探索藝術家眼中色彩份外豐富的世界。Kelly亦係愛畫者,好認同呢番講法。

  余似心有好介紹,「心源畫會」由今日起至下周一喺中央圖書館舉行題為「探索.跨越」嘅畫展,參展嘅會員畫家共三十九位,各有不同嘅畫風。畫展同時邀請得本港十四位大師級畫家展出傑作,包括沈平、廖井梅、廖小平、王秋童、王無邪、石俊、朱達誠、林天行、韋勁敏、陳朝龍、黃孝逵、趙志軍、熊海同陶傑。畫展開幕禮在一月十一日周六下午三時舉行,之後為畫家對談會,而十一日及十二日都設畫家即席示範,開放予歡迎公眾參觀,係向大師學習嘅好機會。

Kelly Chu


hd