Executive日記——分享收藏威士忌心得 酒友也有五大訴求

        1010舉辦麥卡倫單一麥芽威士忌嘅品酒會,Kelly追品威潮流,去見識一下,見好多名人同上市公司主席,其中識酒人鄭善強仲教小妹如何品嚐靚威士忌同投資保值之道O添。

  有酒必定有佳餚,其中一味和牛配陳釀,好多人like。小妹遇到名人御醫張勇、香港電訊高層林國誠、海洋公園高層鍾志超等等,大家一齊享受吓單一麥芽威士忌,而無線高層鄭善強剛喺一月退休,轉做顧問,佢係識酒之人,指單一麥芽威士忌矜貴,主要係廠方供應少,市場好渴求,自然物以罕為貴,佢亦相當欣賞。

  佢仲話,投資靚紅酒保值,要留意年份,過咗高峰期就唔好飲,但威士忌就比較易保存,因為入咗樽之後就唔會變質,所以買二十年、三十年嘅靚威嘅時候,就要注意酒廠從酒桶入樽嘅日期咁話。佢仲話,有一次酒友話五大訴求,缺一不可,佢就開齊法國五大名釀,滿足酒友嘅訴求喎。



Kelly Chu

hd