Executive日記——惜食堂獲會展捐賀年糕點 食物及新春祝福贈弱勢社群

  下周六就係農曆新年,會展早前就將各方所捐贈嘅近九百盒賀年糕點,交畀惜食堂,減少食物浪費之餘,亦可把節日祝福送到社區。

  原來,會展由二○一八年起,每年都邀請業務夥伴、傳媒友好等,捐出原本送贈畀佢哋嘅賀年糕點予惜食堂,送贈畀有需要人士,減少食物浪費之餘,亦可把節日祝福送到社區。會展亦會喺年初九(二月二日),招待二百五十名惜食堂嘅受惠人士,參與新春午宴,一齊品嚐美點佳餚,同大玩遊戲,共度新春佳節。

  原來,會展自一一年起,已參與惜食堂嘅食物回收計劃,將剩食捐贈予惜食堂,煮成熱飯餐免費派發畀社會嘅弱勢社群。八年來,會展已捐贈超過一萬七千六百六十公斤食物,相等於逾二萬五千二百個飯盒。

  Kelly希望,有更多企業、食肆加入食物回收嘅行列,減少食物浪費,並回饋社會。正所謂,施比受更有福!

Kelly Chu


hd