Executive日記——粵劇名伶盡出 籌款延續泰北華文教育

  講開戲曲中心,一個名為「送炭到泰北2020德藝文韻助幼苗」嘅慈善籌款活動早前喺戲曲中心舉行,堪稱係今年粵劇界嘅矚目盛事,當晚粵劇界名伶盡出,除咗有近年深受年輕戲迷愛戴的阮德文飾演其中一位主角傾力演出外,仲有多位大老倌包括李龍、南鳳、梁兆明、吳美英、王超群、高麗及鄭詠梅等,令一眾粵曲迷盡飽耳福。

  如此陣容,座無虛席,台下亦星光熠熠,不少殿堂級大老倌都係座上客,包括仙姐(白雪仙)、羅艷卿、南紅、梁素琴同譚倩紅等,不少影視界紅星如薛家燕、林家棟、任達華等亦係捧場客,令到觀眾台上台下目不暇給。

  「送炭到泰北」由曾醒明發起,三十年多年來不斷籌募經費到泰北建校同培訓師資,幫助泰北華文教育。呢次籌款活動成功籌得善款超過一百萬元,善款主要撥捐「華欣文教基金」,作為長期支援泰北之中國學童延續華文教育用途。

Kelly Chu


hd