Executive日記——職員派窩心揮春 入境處新春大計同你送舊迎新證

  農曆鼠年快到,又係送舊迎新嘅日子,全港市民換領身份證計劃,就幫大家送舊證,迎新證!Kelly最近見到入境處換證中心嘅職員,向市民派發「自家製」揮春,當中以「入境」為主題的「出入平安」、「事事順境」最吸睛,不但增添換證中心嘅新春氣氛,仲為大家送上窩心嘅祝福。好多市民都開心攞返屋企貼。

  入境處朋友話,處方致力為市民簽發優質嘅個人證件,仲不斷擴展關愛服務,怪不得在去年屢獲殊榮,在二○一九年公務員優質服務獎勵計劃中,全民換證計劃同到訪院舍換證服務分別奪得隊伍獎(一般服務)金獎同隊伍獎(專門服務)銀獎,而新智能身份證更在High Security Printing Asia 2019的區域身份證明文件組別中,贏得最佳新身份證大獎,揚威海外,認真犀利!

  由二月十八日起,喺全民換證計劃下,大家除咗可以帶兩位六十五歲或以上嘅親友,仲可以帶多兩位殘疾人士一同換證。小妹覺得入境處好有心,抵畀個大Like。

Kelly Chu


hd