Executive日記——款靚不粘底 二百幾蚊有交易 韓國陶瓷塗層鍋具 最啱煮賀年菜

  快過年喇!Kelly最開心係勁食意頭菜!但自知煮得唔叻,煮嘅重任,梗係留畀媽咪啦!但Kelly有貢獻架,今年用《頭條日報》優惠價低至二七折換購咗一set三件韓國製嘅Neoflam Retro系列陶瓷塗層鑄鋁鍋具,送畀媽咪,產品薄荷藍色勁靚,仲有環保無害不粘底嘅優點,秒速俘虜媽咪嘅心!

  一set三件產品,包括二十六厘米煎鑊、二十二厘米雙耳煲(二點八升)連玻璃蓋同十八厘米單柄煲(一點八升)連玻璃蓋,薄荷藍色夠晒fresh,拎上手厚實有質感,鍋具表面觸感平滑,鍋柄好握手,仲有玻璃鍋蓋,好正!媽咪試用後大讚!鍋具採用Ecolon環保無毒陶瓷塗層鑄造,不含PFOA、鉛、鎘等對人體有害物質,零舍安心,加上不粘鍋塗層,唔使用太多油,導熱又快,唔使用大火,一陣就有靚餸上碟!

  媽咪話,每款各有特色,二十六厘米煎鑊勝在夠深,煎炒炸,唔易濺出油,煎年糕,皮脆內軟,一流!炒XO醬蘿蔔糕夠惹味,讚!二十二厘米雙耳煲適合中小家庭炆燉煮食物,炆冬菇豬手,原汁原味,用嚟做盆菜,原煲上枱夠睇頭;十八厘米單柄煲就啱一至二人份量煮食,慶祝新年煮個鮑汁花膠麵撈起都唔錯喎!

  Kelly最buy不粘底、少油又易清洗嘅賣點,食得健康,唔使怕清潔麻煩!全部產品適用於明火、電磁爐同電爐,日後換咗爐具依然用得!知道媽咪煮餸時經常被鍋具溢出嘅蒸氣燙傷,兩款煲附帶嘅玻璃蓋上就設有防溢魔法蒸氣氣孔,可以避免誤觸氣孔而被燙傷,設計好貼心呀!嚟緊農曆年要煮出好意頭、健康又美味嘅賀年菜,呢系列鍋具堅幫到手!

  《頭條》做緊換購優惠,折實後由二百六十九蚊至三百一十九蚊不等,比原價平成三分一有多,勁抵買!快啲揀番個,送畀一家之「煮」或自用新鍋具下廚啦!http︰//bit.ly/NeoflamHD

Kelly Chu


hd