Executive日記——日菜名廚趙仕焯 信興開班授徒

  做日本廚神,易過借火。信興廚藝中心由去年六月起邀請鮨海創辦人兼總廚趙仕焯師傅(見圖),教授學員烹煮日式美食,每一班都大受歡迎。

  趙師傅已經教授咗多款精美日本菜式,踏入新嘅一年,佢繼續大顯身手,教大家煮更多日本美食,等大家返屋企下廚,贏取家人掌聲。

  嚟緊喺二月十五日嘅一課,名為「絢麗和風盛宴」,學習菜式包括和風沙律、天婦羅野菜餅拼冷麵、天婦羅蝦壽司卷同軟殼蟹手卷。Kelly諗起都流口水,聽講趙師傅會教授當中嘅製作技巧同秘訣之外,仲會教大家做一款清新口味嘅和風沙律,機會難逢,呢一班絕對不能錯過!想學煮,快啲上信興廚藝中心網頁報名啦。

Kelly Chu


hd