Executive日記——Jetso App有「翠」賀詞大搞作 創作盞鬼賀詞贏玉石之王

  新年一定走唔甩要去親朋戚友度拜年,新年祝福又係講「恭喜發財」、「出入平安」呢啲傳統賀詞太過公式化啦!近排Kelly就玩緊頭條Jetso App嘅有「翠」賀詞大搞作有獎遊戲,發揮創意同文筆,創作盞鬼新春賀詞,如果你係經常玩「食字」又或者鍾意得閒作吓嘢就一定要參加啦!大獎係一個美麗又貴重嘅天然翡翠連碎石吊墜,仲有其他重量級獎品。

  所謂「文字有價」,今次創意賀詞價更高,被揀為至趣嘅新年賀詞,就有機會贏到至「翠」獎,就係有「玉石之王」美譽嘅天然翡翠連碎石吊墜,堅係贏「真貴」大禮!其他重量級新年賀禮仲有名貴花膠、靈芝孢子、燕窩、枸杞同北海道元貝!當中有心思嘅賀詞亦可以拎走「一喼勁獎」— 裝滿禮物嘅名牌二十九吋嘅行李篋。

  遊戲禮物咁豐富,Kelly梗係參加咗啦,仲等?由即日起到二月七日,立即下載頭條Jetso App參加活動贏勁獎,全年行好運!

Kelly Chu


hd