Executive日記——由迪士尼轉戰港鐵 蔡少綿迎接新挑戰

  老友蔡少綿(Linda Choy),剛退下香港迪士尼樂園高層職位,話咁快,佢就俾港鐵羅致咗,三月起出任港鐵嘅公司公共事務總監,轉戰公共交通事業。小妹恭喜佢迎接新挑戰。唔講唔知,原來佢喺傳媒、官場同主題公園三個界別,都係進出兩次;喺唔同崗位都處理不少棘手項目。今次接手港鐵職位,可以話係好大嘅新挑戰。

  Kelly認識Linda多年,知道佢自浸會大學傳理學院新聞系畢業以來,喺南華早報、政府和香港迪士尼樂園各進出兩次,可以話係自製「旋轉門」——先做記者,考進政務官,跟住返去做新聞界高層,再獲委任為首批問責官員之一,期間仲做過迪士尼要職兩次,工作生涯多姿多采。

  雖說各個職位嘅性質不大相同,但佢樂意喺不同嘅公共政策和事務範疇之間,利用各領域cross-over嘅經驗,迎接新挑戰。細心睇,其實佢嘅幾份工作,都冇脫離與社會事務,仲同公共交通事務有關,原來佢剛做入職做AO時處理過港鐵政策,現在加入港鐵,都可以話第二次處理呢個範疇,所以話佢嘅職業都充滿二次呢個方程式。

Kelly Chu


hd