Executive日記——集郵迷收集各省圖案 抗疫郵戳傳遞溫暖

  內地新型肺炎疫情嚴重,大家合力抗疫嘅同時,也花心思,互相打氣。香港有集郵愛好者就對Kelly講,佢哋最近收集一啲內地信封,因為上面有各省嘅抗疫郵戳,有好多得意漫畫同打氣字句,收信人嘅士氣都會為之一振。

  內地各省推出咗不同嘅抗疫郵戳,提醒及鼓勵民眾,重慶永川郵戳就有護士漫畫,仲寫上「勤洗手 多通風 少外出」字句;黑龍江蘭西嘅郵戳上就有兩名穿生化衣嘅醫護人員出示V手勢,向病毒勢不低頭;浙江黃岩就有打擊病毒圖案,寫上「眾志成城 抗擊新冠狀病毒」;湖南邵東就寫上「堅定信心 同舟共濟 科學防治 精準施策」,真係好有鼓舞性,也令人窩心。 

  集郵迷話,喺不出街嘅日子,收到信,看到特別郵戳,小小祝福,暖在心頭!Kelly好支持呢種互相支持嘅小行動。

Kelly Chu


hd