Executive日記——義工聯盟捐1.1萬口罩撐醫護

  新型冠狀病毒肺炎疫情繼續在全球多國肆虐,本港確診感染人數日增,當中本地感染個案愈來愈高。香港義工聯盟有見一班緊守崗位嘅醫護人員履行專業承諾,不辭勞苦、無條件服務病患者,噚日將超過一萬一千個醫護用口罩,贈予醫管局轄下各公立醫院嘅醫護人員同職工。義工聯盟除咗希望為一眾前線醫護提供防疫保護外,更希望為佢哋加油打氣!

  另外,香港義工聯盟所成立嘅「全港防疫清潔運動籌委會」,亦已開始派發口罩畀早前喺網上登記並獲接納嘅申領者,受惠者主要喺長者同綜援戶家庭,每人都會獲發五個口罩,分別喺港九新界共五個地點領取。面對疫情,Kelly見到好多市民互助嘅例子,感到好溫暖,希望大家同心抗疫,定能跨過所有難關。

Kelly Chu


hd