Executive日記——創意戴口罩 文件套笠頭

  新冠肺炎蔓延,大家嚴加防範,仲增長咗好多個人衞生知識,好似戴口罩,已成日常必須動作,亦有人好有創意,為自己甚至寵物加護。好似網上流傳一張相,一個後生仔正常戴面罩坐港鐵,但就加多個A4 size嘅膠文件套笠喺個頭到,幾有趣,但Kelly心諗得唔得㗎,於是問醫生朋友,佢話呢個土炮方法係有用嘅,因為膠套有效防止飛沬飄入眼睛,有助防止中招,不過佢提醒大家,要注意空氣流通,唔好焗親自己。

  另外,內地亦瘋傳一張相,除咗有人戴口罩不足為怪外,連一隻貓貓都戴,但佢塊面細過人類,面罩大得滯,主人好有心,把人類面罩變咗貓兒面具,開咗兩個眼孔,等貓兒變成貓大俠,真係有心。

Kelly Chu


hd