Executive日記——富臨星級外帶服務安坐家中歎美食

  疫情持續,好多人都留喺最安全地方—「屋企」。不過,足不出戶,成日食住家菜食到悶,一於叫外賣,好多高級食肆知道有需要,推出米芝連美食,好似富臨飯店就新推出名物鮑魚外賣!

  小妹收到風,本年度剛升為米芝蓮三星餐廳嘅富臨飯店,推出咗星級外帶服務,只要安坐家中,就可以享受富臨飯店嘅美食,而且只收取百分之十嘅服務費,就可直送到港九新界,運費全免。菜式選擇多,唔使問實有鮑魚,喺屋企都畀你歎到「米芝蓮三星的味道」!等KELLY話埋你知,如果自取仲免加一!真心抵!

  另外,高級酒店亦推出「靚飯盒」。香港九龍東皇冠假日酒店嘅尚廚為大家供應四款外賣自取飯盒,任選一款加埋是日老火湯,都係八十八蚊,仲有鮑魚粒福建炒飯、叉燒煎蛋飯、廣東雲吞麵同肉醬意粉。酒店係即叫即整,等廿分鐘就掂。唔使一百蚊就食到酒店餐!

Kelly Chu


hd