Executive日記——二七折換購 不粘底又易潔 韓國鑄鋁鍋具 情人節冧爆另一半

   嚟緊情人節大家準備咩禮物俾另一半呢?Kelly覺得以美食傳達愛意,係一件溫馨又浪漫嘅事,所以今年打算親手炮製一頓情人節晚餐,咁啱最近《頭條日報》做緊韓國Neoflam Retro系列陶瓷塗層鑄鋁鍋具換購優惠,產品環保無毒、不粘底、導熱快、款又靚,用嚟炮製情人節大餐就fit晒!二七折起換購,平均一個鍋具只係二百幾蚊,外觀及實用性兼備,買!



  Retro系列鍋具產品包括二十六厘米煎鑊、二十二厘米雙耳煲(二點八升)連玻璃蓋同十八厘米單柄煲(一點八升)連玻璃蓋。鍋具全部採用Ecolon環保無毒陶瓷塗層鑄造,不含PFOA、鉛、鎘等對人體有害物質,加上採用不粘鍋塗層,煮食唔使用太多油,導熱又快,唔需要大火,一陣就有靚菜上桌!

  好多人以為炮製一餐情人節晚餐一定要花好多工夫,但對小妹呢類入廚新手,有Retro系列三件鍋具幫手就可以輕鬆完成一頓快靚正嘅晚餐喇!首先可以用十八厘米單柄煲少少哋煮個二人份量紅湯或白湯做starter,然後用二十六厘米煎鑊煎心形牛扒,煎鑊深度夠,煎時唔怕啲油濺出,加上導熱快,兩三下就有得食!最後用二十二厘米雙耳煲焗埋甜品或蛋糕,成件事就夠完美啦!最正係鍋具唔粘底易清洗,清洗都無伏!全部產品適用於明火、電磁爐同電爐,邊種爐具都用得着架!

  好多男士一到情人節就好頭痕,Retro系列鍋具就係一個好選擇喇!鍋具觸感平滑,鍋柄又好握手,薄荷藍色柔和得嚟又好fresh,仲有玻璃鍋蓋,女士收到一定like!至於女士經常為另一半花心思炮製美食,呢款健康「煮」意鍋具就更係必換購啦!《頭條》優惠折實後由二百六十九蚊至三百一十九蚊不等,經濟實用又得體,絕對係情人節送禮或自用must buy item!

Kelly Chu


hd