Executive日記——DHL創辦人鍾普洋撰書 授管理心得上位之道

  敦豪國際速遞(香港)有限公司(DHL)創辦人、「人肉速遞之父」鍾普洋,以英文撰寫新書《Designed to Win》,講述佢創辦及管理DHL嘅心路歷程。Kelly同佢食飯,向佢請教營商管理之道,上咗人生寶貴一課,學到上位之道。

  已退休嘅鍾普洋,言談幽默,流露智慧。佢由低做起為例,教大家四招五式:一、散仔見工︰問定老闆幾時升亞太區主管,顯示自己進取;二、甜頭招兵︰早年銀行匯票兌現緩慢,佢諗咗送機票搵人開心帶文件,結果創辦DHL;三、冧掂秘書︰大公司CEO得鬼閒理外人,但勢要讚佢秘書小姐高跟鞋靚,打好關係,以後無往而不利;四、信地頭蟲︰DHL擴展全世界,每個地方情況不同,民情有別,不能以鐵板一塊去管各地嘅人員,所以要靠地頭蟲;五、搵做得開心嘅工,呢個好多人明,但好難實踐,結果返工變捱世界,點會開心投入?小妹從呢位物流業先行者口中獲益良多,所以決定快啲睇完本書,充實下自己。

Kelly Chu


hd