Executive日記——為前線醫護物色防疫物資 誠哥再出手扶弱 派送25萬個口罩

  基層市民同弱勢社群缺乏口罩,各方出心出力支援,其中李嘉誠基金會喺全球搜購口罩同防護物資,第一批物資已經運抵香港,昨天起向十三間社福機構同六間長者院舍派送共二十五萬個口罩。

  繼捐資出一億港元支援武漢嘅醫護之後,李嘉誠基金會昨天送出嘅二十五萬個口罩,受惠人包括低收入家庭的病人同照顧者、癌症病童同家長、傷健及復康人士、基層人士(清潔工、拾荒者、劏房戶、鄉郊長者)、獨居長者及義工、院舍長者及護理員等,由有關社福機構自己制定派發方式。Kelly覺得呢個係最快同最有嘅效方法,將口罩送到有逼切需要嘅社群手中。至於邊啲機構受惠,基金會亦好細心,話為免給機構添加資源壓力,不公佈詳細名單。至於下階段何時再派口罩,基金會話,全球口罩供應正漸趨穩定,基金會將密切留意社會情況,按需要作出支援措施。

  對於醫管局防護裝備入不敷支,基金會亦出手相助,正不斷努力在各地採購同物色合乎標準嘅相關物資,希望為香港緊守崗位嘅醫護前線送上支援。基金會本周起從加拿大戴爾豪斯大學(Dalhousie University)微生物與免疫學院助購嘅高規格防護衣,同阿聯酋贈送嘅N95醫療口罩,將會陸續運抵香港,並會按醫管局統籌向醫護前線送上。

Kelly Chu


hd