Executive日記——海洋公園開設教育頻道 帶領學童在家邊玩邊學

  學校停課,Kelly嘅家長朋友日日睇住家中小朋友,又要安排有意義嘅活動,海洋公園就幫到手,佢哋推出全新「小紅熊Redd’s Nature Play Party」YouTube頻道,提供生動有趣動物主題內容,讓學童喺家中實踐「停課不停學」。

  全新嘅「小紅熊Redd’s Nature Play Party」YouTube教育頻道,每周由小紅熊上傳。小紅熊將率領小紅熊團隊,走訪海洋公園各個園區,尋找自然環境嘅秘密,並透過短片同大小朋友分享。

  喺旅遊事務署支持下,頻道內容分三大系列:一「自然‧玩!」旨在激發好奇心,引導兒童發掘大自然奧秘;二「體操舞蹈」,由威威與好友帶領大家做體操及跳舞,鍛煉身體;三「美勞手作」,介紹如何製作以動物為主題嘅美勞小手作,鼓勵兒童嘅創意。家長可以同子女一齊睇,享受多啲親子時光。

Kelly Chu


hd