Executive日記——線上記者會送「點心」旅發局貼心有諗頭

  疫情下,人與人之間減少接觸,好多工作會議被逼押後,但旅發局一班朋友就好有計,前一天安排咗一個線上電話嘅記者會,由局方總幹事程鼎一隔空向各大媒體講述來年推廣旅遊業嘅計劃。

  席上有問有答,溝通無阻隔,達到發放訊息嘅目的,又慳番大家嘅交通時間,真係有效率。

  但估唔到嘅安排係,旅發局仲向參與呢次線上記者會嘅編輯,速遞送上一盒精美蛋糕點心,等大家一邊提問,一邊安坐辦公室,沖杯咖啡歎番件,咁有創意,難怪旅發局每一年搞咁多活動和大型盛事,都同樣精采。  

  Kelly真係希望疫情快快過去,各界努力諗諗計,吸引旅客重來。

Kelly Chu


hd