Executive日記——助弱勢社群及醫護人員 仁愛堂盈科齊派33萬口罩

  疫情下,香港人發揮互助精神。Kelly收到風,仁愛堂同盈科都向市民同醫護派發口罩,實行慈善機構同商界都一同與全港市民及醫護抗疫,真係好有心。

  仁愛堂朋友話俾小妹知,佢哋獲得董事局成員及外間機構合共捐贈十三萬個口罩,由即日起,陸續分發給有需要嘅弱勢社群,以解燃眉之急。而且佢哋仲好貼心,怕大家要排隊,將會透過轄下嘅地區服務單位、家居照顧服務及安老院舍,派口罩畀有需要人士。

  此外,盈科拓展果面就捐贈合共二十萬個口罩畀醫管局同有需要人士,到時其中十萬個會透過多個社福機構畀有需要人士。首批五萬個今天到咗!其他亦會喺未來數日陸續送到。盈科仲由不同渠道採購消毒潔手液同其他抗疫用品,以舒緩防疫物資短缺嘅問題。

  Kelly好感動,希望大家有錢出錢,有力出力,咁樣一定可以戰勝病魔嘅。

Kelly Chu


hd