Executive日記——財爺勉勵港人努力耕耘 預算案封面啡色寓意深

  反修例風波後又爆發新肺炎疫情,香港經濟受到重創,好多行業進入寒冬。喺呢個艱難時候,財爺陳茂波發表新年度財政預算案,冇好似過往咁起咗主題,只係好簡單咁寫上《2020至21財政年度政府財政預算案》,仲用上好少見嘅泥土啡色做封面,點解有咁嘅設計?

  財爺昨日解畫,話預算案封面特登揀咗象徵土地嘅啡色,就係覺得香港仲係充滿生機嘅土壤,仲發表一番鼓勵港人士氣嘅說話O添。

  財爺話,喺香港呢片土地,每個人選擇播下咩種子、點樣耕耘、點樣灌溉,就會種出點樣嘅收成。「我們同在這片土地上生活,本是休戚與共、唇齒相依。 或許香港有這樣那樣的缺點,但仍是一個容許百花齊放、自由發展的家園。即使有過失望,我們仍可以選擇對未來懷抱希望。 即使理想不同,我仍希望大家擱置分歧,創造化解矛盾的空間, 一起推動香港向前。」 財爺話,無論大家係咩背景、抱住咩信念同理想都好,都十分珍惜同愛護香港。KELLY作為土生土身嘅香港人,聽完有啲感動!一於支持。

Kelly Chu


hd