Executive日記——玩Jetso App遊戲 贏消毒噴霧 Raze防疫神器 噴一噴 病毒無得匿

  最近因疫情關係,大家都如臨大敵,對酒精搓手液、口罩同埋清潔產品嘅認識亦有所增加,其實任何物品嘅表面都容易依附細菌,但唔係樣樣嘢都可以用漂白水同清潔液清洗。Kelly最近就發現到一樣革命性嘅防疫神器「Raze 納米光觸媒消毒噴霧」,噴一噴,病毒無得留低。

  呢款噴霧係由本地科研公司Raze Technology研發,並且榮獲多項國際認證,只須將納米水噴霧噴喺物件表面,就會自動形成長效持久嘅無毒、無害、無痕消毒塗層,而光觸媒粒子就會係光線下分解同殲滅物件表面嘅細菌病毒同其他污染物,即使無光都可以運作長達八小時。

  有咗呢支噴霧,Kelly出街前都幫衣物噴一噴,咁就唔使擔心出街嘅衣物會帶着細菌病毒返屋企啦,而屋企嘅家居就可以一個月噴一次,多重保障家居衛生安全。由即日起至三月二十四日,Jetso App有獎遊戲就送出內含兩支噴霧及激活裝置嘅Raze全效型套裝一套(價值三百四十蚊),名額七十五個,即刻開App玩遊戲贏番支試下啦!

Kelly Chu


hd