Executive日記——歐遊警覺性高 同人保持距離唔使驚 才子「連中二元」 要隔離多一次

  「香江第一才子」陶傑早前上咗鑽石公主號郵輪,好彩佢中途落船,避過長時間困喺橫濱碼頭嘅厄運,回港之後佢好乖,接受自我隔離。唔知係咪開咗個頭,竟然再來一次,事關佢近日去咗歐洲,趕唔切喺今日回港,料下周一返回之後,又要自我隔離多一次!

  身在歐洲嘅陶傑,去過冰島、英國等地,佢同小妹WhatsApp傾偈,話自己對疫情嘅警覺性好高,「在倫敦幾日,出入叫Uber,去過一些上流會所,見嘅人甚少。」

撐政府紅色旅警

  對於政府規定今日起所有回港人士要自我隔離,令陶傑「連中二元」,佢好平靜咁話,呢次佢撐港府向所有海外國家發紅色旅警喎,仲話上次喺鑽石公主號嘅經歷驚險啲。

  佢同Kelly講,自己喺呢次歐遊嘅風險唔高。小妹就提提才子,喺旅途中盡量同人保持距離、唔好吹水、唔好握手、分菜食。

Kelly Chu


hd