Executive日記——星級唐人館 推外賣優惠

  疫情下,飲食業靈活求變。喺海港城同置地廣場嘅星級中菜館——唐人館,破天荒推出外賣自取套餐,由個人套餐、四位用嘅特色家常套餐,以至唐人館嘅招牌盆菜都有得食,Kelly試過盆菜,包羅唐人館星級美食,一試傾心,自取外賣仲可以享受低至七折優惠,又抵又好味。小妹介紹個盆菜大家,用盡靚料,包括大連鮑魚、游水星斑、生猛海蝦、雪花牛肉、金陵燒肉、走地雞肉、宗谷瑤柱、本地蘿蔔、有機白菜、山水豆腐,仲奉送盆菜湯汁、私房醬料同時令蔬菜,超級製作,味道一流,足四位享用,喺屋企食,真係最高享受。如果一個人買外賣,唐人館準備咗佢哋有名嘅各式燒味飯同正斗粉麵系列,仲送埋家常靚湯,食得開心一定無孤獨感。想試更多外賣美食,可以搵同一集團嘅南方小館、潮廳,佢哋一樣提供多元化嘅外賣美食,自取一樣有折扣優惠。

Kelly Chu


hd