Executive日記——夏花填色紙 大人細路都啱

  疫情全球爆發,停課持續。Kelly啲侄仔侄女都留在屋企,除咗做功課,日日唔係睇電視,就捉住Kelly陪玩,真係攰過返工!不過救星到,《頭條日報》漫畫家夏花,為咗小朋友打發時間,設計咗一系列嘅兒童填色紙,免費下載,真係好有心。

  到底點諗到出填色紙這招?夏花話,佢係媽咪,好了解天下媽媽都希望自己嘅仔女喺餘暇做啲有意義嘅事。兒童填色紙就解決到呢個問題,家長自行上網下載同列印,操作簡單,就可以畀仔女玩。

  夏花仲話,填色可以令孩子放鬆,覺得有趣,唔使成日睇電視,亦可以令家長有更多清靜嘅時間。填色紙有幾款不同選擇,由獨角獸同長頸鹿去做不同嘅活動,到小狗借顏色筆畀兔仔填色嘅場景都有,全部係夏花嘅成品,抵讚。

Kelly Chu


hd