Executive日記——麥記冀減社交接觸 今起六時後只外賣

  疫情下,大家為防感染,暫時改變一下生活方式,最近就多咗人叫外賣醫肚。麥當勞好貼近潮流,昨日宣佈為保障員工同食客着想,由今日起兩星期,即三月二十五日至四月七日,暫停晚上六時後喺餐廳嘅用餐服務,只設外賣同麥麥送服務,除推加料美食系列,仲免運費。

  麥當勞行政總裁黎韋詩話畀Kelly知,佢哋調整營運模式,不鼓勵大家堂食,只設外賣及麥麥送,希望做到減少社交接觸,既保障僱員,又為顧客健康着想。麥當勞咁跟得上防疫潮流,真係抵讚。

  麥當勞仲話,為港人打氣,喺每晚六點至十二點用麥麥送,一律免運費!仲顧及仍要上班族嘅用餐需要,由三月三十日起將再度推出Double系列。

麥麥送免運費

不但四款美食嘅優質材料加倍升級,此期間周一至五晚上六至九,系列仲會以打氣價發售!麥當勞為港人加油,Kelly好like。

Kelly Chu


hd