Executive日記——M記為醫護麥麥打氣 捐九萬Big Thanks Cards

  公立醫院醫護人員日以繼夜搶救新冠肺炎患者,正面對艱巨嘅挑戰。香港麥當勞好有心,有見醫護團隊連月辛勞、無私付出,希望透過美食表達衷心嘅謝意,為佢哋「麥麥」打氣,加添力量。麥當勞管理團隊特意到訪醫管局,捐贈共九萬份、價值約九百萬港元嘅Big Thanks Cards,等每一位醫護幾時去麥當勞食都得。

  為感謝醫護嘅Big Heart,即使喺疫情下麥當勞無法直接送出美食,但透過向每一位前線醫護人員同後勤同事送上Big Thanks Cards,作為支持,感謝佢哋一直盡心盡力為市民服務。麥當勞餐廳團隊更特別錄製咗感謝同鼓勵嘅說話,向佢哋送上Big Thanks。麥當勞話,喺未來嘅日子,會繼續喺崗位上與醫護人員並肩同行,齊齊抗疫!Kelly都要趁機向醫護團隊講聲︰「加油呀!」

  另外,為保障僱員同顧客嘅健康及安全,麥當勞調整營運模式,由本周三起至四月七日期間嘅兩星期,所有餐廳喺下午六時後不提供堂食,只設外賣及麥麥送服務,希望減少社交接觸,支持醫護人員同社會大眾共同抗疫。

Kelly Chu


hd