Executive日記——美食達人拍片教你「煮」

  美食家兼旅遊達人紀曉華,近日同好多香港人一樣「宅在家」避疫,但佢好有創意,近日開設全新嘅YouTube頻道「UMAMI」,教大家煮美食,佢未來會每周更新一兩段煮餸短片,實行教大家「宅在家」但煮美食o氹親人開心。

  紀曉華介紹咗好多菜式,包括蒜香焗雞、媽媽嘅手擀面、地中海風味焗海𩶘魚、意大利蒜香蜆,到最新嘅日式蝦醬雞翼,中日風味結合,Kelly睇到流晒口水。

  紀曉華話,除咗自編自導自煮,仲自拍自剪一腳踢,其中剪片一環最考人,但佢已經習慣咗,所以未來每周都會更新一至兩段片。佢話YouTube頻道將會朝三大方向發展,首先教煮嘢食同廚房工具嘅應用同小技巧,其次係旅遊飲食。

  佢希望頻道除咗美食之外,仲會為大家帶來唔同嘅資訊,例如即將推出嘅「份子幼稚園」就係向大家介紹簡單製作份子料理嘅竅門。

Kelly Chu


hd