Executive日記——張竹君日日報疫情 謙稱不是最辛苦一人

  新冠肺炎疫情停不了,Kelly同好多朋友每日下午四時半都盯着個電視,聽衞生署衞生防護中心傳染病處主任張竹君醫生匯報疫情最新嘅發展。由今年一月起,除咗某啲日子由局長或特首主持疫情相關記者會,張竹君醫生差不多天天主持下午嘅匯報記者會,起碼約五十日不停亮相,昨天有記者關心佢幾時會休息吓。不過,張醫生一貫淡定咁話,「自己已經唔係部門中最忙果個人」,同時「感謝外界嘅關心」。

  張竹君話,衞生署署長、衞生防護中心總監等不斷開會,好多同事要負責檢疫中心、港口衛生署等工作,而佢每日比較多喺辦公室準備疫情資料,並唔係工時最長嗰個,其他人比佢更加忙。Kelly多謝張醫生嘅堅持,令大家掌握疫情嘅發展同要留心嘅事項,同時對任勞任怨、無私付出嘅醫護團隊致敬。

Kelly Chu


hd