Executive日記——女神陳婉衡身材Fit爆 Headlife教輕鬆瘦身法

  Kelly為咗避疫,最近成日留喺屋企,搞到無乜運動,隻腳都粗晒,為咗保持小妹嘅美腿,最近Kelly成日上網睇唔同嘅瘦身運動,俾小妹搵到《頭條日報》嘅網上生活專頁Headlife,有新一代女神Alycia(陳婉衡)拍攝嘅短片,教大家瘦身,真係好睇又學到瘦身之道。

  《三日兩夜》新一代女神Alycia,佢本身睇上去身形好Fit,o依家仲拍片教大家瘦腿同股,說服力直線上升。Kelly發現,一般嘅瘦身短片,常常犯咗同一個錯誤,就係介紹太多動作,小妹聽到第三個都唔記得咗第一個,但Alycia嘅短片就不一樣,只係介紹咗兩個動作,一個是扶牆單腳向側踢,另外上半身與腿成九十度,扶牆向後踢,易記又易學,做多幾次就成個人輕盈晒。

  佢仲話,左右各做五次為一組,要每日做五組,只要一兩周就有成效。小妹對瘦身短片嘅要求,只係簡單易明同有效,等Kelly記低Headlife呢個專頁,日日睇住點瘦身,仲可以知道好多生活資訊,咁抗疫期間小妹就唔怕悶啦!

Kelly Chu


hd