Executive日記——「願望成真基金」襄助少女赴法學甜品圓夢

  只要懷抱願望,就有動力去克服人生嘅不幸。幫助病童圓夢嘅「願望成真基金」,幾年前幫一個患病少女實現去法國學整甜品嘅願望,O依家佢回饋基金,亮相拍片,呼籲市民捐款,幫助更多病童願望成真。

  現年二十一歲嘅嘉鎂,中五時發現患上血癌,佢嘅心願係去法國藍帶廚藝學校學做精美嘅甜品,因為患病而未能成行,但嘉鎂冇放棄自己,勤做運動又多進食,情況好轉,經醫生轉介,由「願望成真基金」安排行程,終於去到法國,在大師傅指導下,炮製出一個個色彩繽紛、甜到入心嘅甜品。

  佢同大家分享,話甜品之旅,令佢大受鼓舞,「這個願望是我的超級動力!」願望成真,令佢變得更堅強,努力康復,O依家仲回到基金,同更多人分享自己嘅經歷,仲成為基金嘅義工,去幫助更多小朋友實現願望。

  「願望成真基金」話,由於疫情,基金同兒童醫院嘅服務要放緩一下,但會繼續用網上方式同寄出畫冊、口罩等,為病童打氣。

Kelly Chu


hd