Executive日記——總值逾三萬元 大人細路啱食 頭條fb遊戲送天然蜂蜜產品

  經一疫長一智,大家對保持公共衞生同個人健康嘅意識都提高咗,尤其家長們,加倍關注仔女健康之餘,對選擇健康產品嘅要求更加嚴謹。Kelly今日留意到《頭條日報》喺facebook(fb)推出咗一個有獎遊戲,獎品係總值超過三萬五千蚊嘅美國Little Remedies天然蜂蜜保健產品,好嘢嚟喎!呢個品牌向來標榜成份天然,有助紓緩咳嗽、喉嚨痕等小毛病,大人細路都啱食,只要回答簡單問題就有機會得獎,名額二百個。有好嘢小妹梗係參加啦!建議有小朋友嘅家長要玩呀!

  Kelly喺社交平台留意到唔少星媽同KOL包括徐菁遙(前名:徐淑敏)、朱薰等力推一支支似糖嘅產品,原來就係《頭條》準備送出嘅Little Remedies天然蜂蜜潤喉棒棒糖,另外仲送埋咳嗽糖漿!兩款產品都係非藥性,成份天然又安全,不含人造色素、香料、染劑同防腐劑,口碑好好!了解過潤喉棒棒糖嘅果膠成份,可以喺喉嚨形成薄膜,涼浸浸好舒服,有助潤喉紓緩,減低喉痛同刺激,啱晒三歲或以上小朋友食;咳嗽糖漿就有助紓緩日夜咳嗽,唔只啱一歲或以上小朋友,大人都食得!要小朋友準時食藥又逼又氹難過乜,呢款Little Remedies又甜又易入口,大小朋友都Like!

  小妹仲八到根據英格蘭公共衞生署同英國國家醫療標準機構喺二○一八年發出嘅指引,醫生喺治療咳嗽時可以建議病人先服用蜜糖紓緩,Little Remedies嘅天然蜂蜜保健產品就幫到手!為復課做準備,有佢哋傍身就安心!參加遊戲答問題就有機會獲得Little Remedies天然蜂蜜保健產品一份,包括潤喉棒棒糖一盒(十支)及咳嗽糖漿一支,得獎名額共二百個,嗱嗱聲scan QR code睇詳情啦!

Kelly Chu


hd