Executive日記——新世界招募100實習生 體驗「創造共享價值」

  疫情下,好多公司收縮開支,市場上少咗好多畀大專生嘅實習機會,Kelly聽啲同學仔講,一位難求,問我有冇計。小妹當然有好介紹,新世界集團好有心,今年特別增加實習名額,推出「新世界100虛擬實習計劃」,招募一百位實習生,為不同學科嘅大專院校學生提供學習機會,對想喺在學期間爭取大機構工作經驗嘅同學嚟講,係天大嘅喜訊。

  新世界朋友同小妹講,呢次計劃嘅亮點之一,係實習生有機會體驗多項與「創造共享價值」有關嘅項目,即係了解商業企業如何透過社會創新等多項環節,與不同嘅持份者為社會創造更美好價值。實習生將獲安排了解集團為社區而設嘅口罩生產計劃,以及集團如何透過不同非牟利機構向基層派發口罩,同時亦會參與文化及藝術傳承嘅活動,了解集團如何孕育文化創意一代,參觀社會房屋項目等。實習生喺過程中,可以加深認識新世界嘅「創造共享價值」企業精神,了解企業如何以解決社會問題為動機,創造經濟價值,促進社會持續發展。

  計劃另一大特色,係實習過程主要以虛擬模式進行。實習生大部份時間會透過網絡和視訊會議提交並匯報工作,方便他們隨時隨地工作,令安排更具彈性。

  同學仔聽完係咪心動呢,咁要留意小妹收到嘅甄選貼士—有別於大部份企業傾向以學生成績為重要評審準則,新世界會較注重申請者嘅人才質素及個人潛能,如是否具備企業家精神、前瞻性同創新思維、良好領導及表達能力等。實習期內表現優異者,日後若通過客觀嘅評估,更有機會獲聘用成為集團一份子。計劃由即日起至六月七日接受報名。實習期由七月中至八月底,成功獲選者有機會獲派到新世界集團,包括新創建及旗下公司工作。大家快啲去行動。

Kelly Chu


hd