Executive日記——教大推動家長教育 睇片學親子妙法

  Kelly身邊好多已為人父母嘅朋友,近幾個月多咗留家工作,對住停課嘅小朋友,話如何親子,比返工更頭痛。咁小妹有好介紹,香港教育大學嘅兒童與家庭科學中心,啟動「Take a SIP」家長教育計劃,以深入淺出手法介紹育兒心得和方法,咁大家學吓,親子自然無難度。

  教大兒童與家庭科學中心推出咗「Take a SIP」家長教育計劃,邀請十八組家庭親身體驗具研究基礎嘅教養方法,製成咗十三集短片,鼓勵家長從生活細節著手,透過簡單易學嘅方法協助孩子成長。

  S-I-P係指Science Informed Parenting嘅意思,即係向家長介紹有實證基礎嘅教養方法。每集短片中,教大兒童與家庭科學中心聯席總監林俊彬博士及幼兒教育學系副系主任劉怡虹博士都會參與家庭即時互動,向家長提供教養建議。林博士話,為咗展示真實情況,參與家庭事前並不知道活動內容,佢哋即場觀察家長與孩子嘅互動,提出建議,例如在「仲玩手機?」一片中,佢哋要求家長喺親子遊戲中不停使用手機,孩子好快就感到沒趣,唔再專注遊戲當中,其後家長放下手機,全心參與遊戲,孩子即時投入活動,之前嘅不專注行為一掃而空。

放下手機多與孩子互動

  博士話:「好多家長看見子女表現散漫,只會不斷叫小朋友『專心些』。我哋建議家長放下手機,每天花二十至三十分鐘專心與子女互動,孩子嘅專注力自然提升,更會願意主動探索新事物,行為問題亦會隨之減少。」劉博士話,每段片中提及嘅方法,都有研究基礎、簡單易明,適合每個家庭咁話。Kelly建議家長們上網學番一招半式,咁與小朋友相處就得心應手。

Kelly Chu


hd