Executive日記——現有包裝顏色寓意積極 滿足不同品味人士需求 港產出多彩口罩 

  疫情爆發,社會上有唔少善長仁翁願意出一分力,齊齊為港人抗疫打氣。Kelly知道新世界集團副主席鄭志剛Adrian好着重「創造共享價值(CSV)」嘅理念,繼捐出逾二百萬個口罩和一萬個抗炎包畀基層,又「揼本」開咗四條生產線,專造「香港製造」嘅口罩,頭兩個月嘅產量全數捐出畀有需要嘅人,而好注重藝術品味嘅佢,暫時推出白色口罩,聽聞未來會推出精選嘅顏色,配合唔同品味人士嘅需要。

  為咗唔想基層市民日曬雨淋咁排隊輪口罩,新世界推出創意十足嘅「自助口罩提取機」,就好似零食、飲品機咁,領住張卡輕輕一「嘟」,就會拎到一包五個獨立包裝嘅口罩,包裝暫時有四隻顏色,包括白色代表仁愛、粉紅色代表關懷、灰色代表勇氣,同埋墨綠色代表希望。Kelly昨日特意挑選一包墨綠色包裝嘅口罩,除咗隻色比較特別之外,更希望香港和全球成功抗疫!

  四款包裝入面暫時都係白色口罩,但新世界正努力搜羅緊合適嘅布料,期望可以做出色彩繽紛嘅口罩,未來會精選唔同嘅美麗顏色!Kelly好期待。

Kelly Chu


hd