Executive日記——未來擴展至多條小巴專線 搭龍運巴士 Alipay「掃一掃」秒速付車資

  近期好興嘅「智慧出行」,怕麻煩嘅Kelly就最支持,身為AlipayHK用戶仲開心,即日起可使用易乘碼支付龍運巴士車資,掃一掃即可秒速完成交易。除咗全線龍運巴士外,未來仲擴展至多條專線小巴,仲有愈來愈多的士加入服務。境外出行方面,亦會接入日本流動支付PayPay數十萬間加盟店,仲喺App內增設埋內地call車及共享單車服務。以後境內境外只帶手機就得,好方便。

  小妹聽講,受疫情影響,大眾願意使用「無接觸」的流動支付方式消費,所以令接入Alipay電子支付的交通愈來愈多。AlipayHK亦與不同專線小巴營辦商達成合作,將陸續接入近千五部綠色小巴。

  從事的士行業近二十年嘅鄺念恩(圖)仲同小妹講:「用流動支付不需要接觸現金,司機同乘客都會覺得更乾淨」,佢話身邊七成司機友都裝咗。

  至於境外出行,AlipayHK已與日本流動支付方案PayPay合作接入其網絡,PayPay嘅數十萬間加盟店仲遍及全日本。用戶只要在日本看到AlipayHK或PayPay及支付寶標識,即可使用AlipayHK消費。

  此外,內地預約Call車、共享單車服務都正式開通咗。只要喺「跨境服務」嘅「內地」專區點擊「滴滴出行」即可預約內地的快車、專車、豪華車等,並於小程式內完成付款;而進入「哈囉出行」,就即可查閱附近共享單車情況,最適合好似Kelly咁嘅自由行。

Kelly Chu


hd