Executive日記——信興廚藝中心烹飪班重開 跟名廚學中日滋味菜秘技

  疫情期間,好多朋友留家,下廚氹吓屋企人,人人變身廚神。依家疫情緩和,係時候精進廚藝啦!Kelly期待以久嘅信興廚藝中心名廚烹飪班,下月重來,六月七日有由星級導師黃淑儀(GIGI姐)教授簡單美味家常菜,重點係潤肺滋補,而六月十三日日本料理星級名廚趙仕焯師傅再次開班,小妹一直係佢粉絲呀!

  「GIGI姐滋味美食班」第一道菜係乾咖哩蟹,聽到都流口水。第二道菜紫菜墨魚塊,做法簡單但超好味。GIGI姐仲會示範清心潤肺嘅霸王花湯,正呀!

  而趙仕焯師傅會教大家煮天婦羅野菜餅、天婦羅蝦壽司卷、軟殼蟹手卷,日本控暫時無得「返家鄉」,都可以一觸鄉愁。詳情上信興廚藝中心網頁報名啦!

Kelly Chu


hd