Executive日記——7-Eleven推限量迪士尼雙層玻璃杯 與你探索奇幻世界

  早前7-Eleven以「奇幻玻璃瓶+竹蓋」將迪士尼奇幻世界帶到7-Eleven,好多人換購,第二波推出兩款以「米奇與朋友系列」為主題嘅限量版「奇幻雙層玻璃杯」,以晶瑩剔透嘅雙層玻璃設計加上以水彩繪畫嘅迪士尼角色圖案,包括米奇老鼠、米妮老鼠、唐老鴨及黛絲,由五月二十七日早上七時起,大家可以換購有圖案嘅玻璃瓶返屋企啦!

  限量版「奇幻雙層玻璃杯」 杯身高約十一厘米,直徑約九厘米,容量約三百五十毫升,玻璃杯以Borosilicate雙層玻璃製成,通透度高,雙層玻璃設計耐冷耐熱,耐受溫度為0˚C至100˚C,盛載熱飲能避免杯身過熱而燙傷手,載冷飲不會因杯身凝結水珠而滑手或弄濕桌面,真係好啱用。

Kelly Chu


hd