Executive日記——由五位法師主持  浴佛節祈福活動一齊為香港誦經

  疫情對社會同經濟都造成打擊,唔少人積咗很多擔憂同負面情緒,有心人喺本周六發起一場浴佛節祈福活動,等參加者洗滌心靈,仲恭請五位法師為香港善信誦經祈福。

  呢位有心人係巧膳坊素食嘅主人楊太,佢話今次祈福活動主要係想為疫情為安定,去祈福祈願,為大家洗滌心靈,希望參加者都共霑法益。楊太仲好有心恭請五位法師共同主持浴佛節大典活動,分別係釋達東、釋道行、釋頓覺、釋定朗、釋見甜五位,為香港善信誦經同祈福。

  活動先恭迎法師,進行法會,各居士優先浴佛,然後每八位為一組輪流浴佛,浴佛後可享用以自助餐形式供應的免費素食福德,不設座位,但人數有限定,先到先參加,費用全免。浴佛真係好適合現在嘅情況,Kelly希望疫情快啲過去,約定大家明天下午一時半一齊去黃埔美食坊巧膳坊浴佛。

Kelly Chu


hd