Executive日記——太古推動文化活動 獲頒「2019藝術贊助獎」

  身為文青嘅Kelly,鍾意去音樂會同睇各類表演,經常見到太古集團個名字,原來太古集團一直支持香港各類型嘅藝術表演同文化活動,最近太古基金獲得香港藝術發展局頒發「2019藝術贊助獎」,表揚佢哋多年來積極贊助本地藝術教育同推動藝術發展,係好有文化嘅獎項。

  太古基金係太古集團旗下嘅公益事務部門,成立至今三十七年,一直致力透過資助不同團體同項目。Kelly最熟知嘅係,太古由二○○六年起就係香港管弦樂團嘅首席贊助,因為小妹係一個古典音樂迷。喺太古支持下,樂團成為全球最佳交響樂團之一,去年仲獲權威雜誌《留聲機》嘅年度樂團大獎,揚威全球,小妹同樂迷都好振奮同好開心。

  除咗支持音樂,太古基金仲透過Arts Access Fund,支持多個非政府機構,為殘疾人士及弱勢社群提供資助,畀佢哋有機會享受藝術文化活動。仲喺藝術治療方面,資助服務患罕見疾病兒童嘅夏約書孤兒症基金會,為低收入家庭兒童提供表達藝術和瑜伽治療,幫助佢哋緩解身心發展同社交上所面對嘅問題,真係好有heart。

Kelly Chu


hd