Executive日記——推經濟援助籌募計劃 東華三院與基層疫境同行

  新冠肺炎打擊全球經濟,香港亦有好多在職人士受疫情影響,陷入經濟困難。Kelly亦有部份朋友受疫情打擊而面臨經濟難關,小妹打聽到東華三院推出「東華三院‧分享愛‧疫境同行」失業及短期經濟援助籌募計劃,去幫助有經濟困難嘅人士渡過困境。

  據東華三院的介紹,計劃所籌得嘅善款係用作支援因疫情而失業或收入大受影響或確診新冠肺炎、而未有領取綜援的低收入人士或家庭,提供一次性緊急短期經濟支援。

  東華三院主席文穎怡同Kelly講,不少基層市民不但要應付疫情嘅壓力,仲要面對失業同開工不足嘅壓力,生活徬徨無助。佢透露這次計劃嘅目標係籌款三百萬,預期協助三百個家庭。

  而且為確保公眾善款全數撥用於今次項目,將不會從活動籌得嘅公眾善款中扣除行政費用。因為東華三院董事局及冠名贊助人已贊助今次籌募活動的各項直接開支。小妹覺得今次東華三院真係好有心。

Kelly Chu


hd