Executive日記——引入《星戰》feel 第三季上班 港鐵派機械人解乘客疑難

  以後搭港鐵,有咩想知,可以搵機械人幫手。港鐵話,計劃喺部份車站引入智能機械人,負責清潔、引路同列車維修檢測嘅服務。Kelly睇過呢五個智能機械人,佢哋好得意,比起電影《星球大戰》中嘅三個人氣機械人,一啲都唔輸蝕。

  港鐵嚴選咗五部智能機械人,將於今年第三季去啟德站服務乘客,每部大約一米高,識得自動行走幫人。當中兩個機械人會為乘客提供行程查詢服務,透過定位功能帶領乘客到特定位置;另一款機械人會喺車站關閉後巡邏車站,以圖像分析技術協助檢查設施;另兩部清潔機械人會喺收車後,以循環技術協助檢查設施。

  港鐵話,呢幾個智能機械人合共研發成本約四百萬。Kelly見到佢哋,一望鍾情,比起Star War中嘅R2d2、bb8同c-3po更具現代感,好like。

Kelly Chu


hd