Executive日記——「忌廉哥」骨灰放舖內 粉絲隨時可以去探佢

  香港最紅貓店長「忌廉哥」上月離世,遺體喺本月初火化。「忌廉哥」官方facebook日前透露,已經取回「忌廉哥」嘅骨灰,並放喺「忌廉家族」店舖內,大家如果想念「忌廉哥」,仍然可以到店舖探望佢。

  「忌廉哥與忌廉家族」facebook發文指,雖然忌廉已到彩虹橋過新嘅生活,但相信大家對佢嘅愛係永遠不會變。「忌廉已經返忌廉家族繼續守護住大家,有時間到舖探探牠吧」。「忌廉家族」亦特別預備了一套四張嘅明信片同海報,以感謝大家一直嘅支持,市民可以從照片上緬懷一下忌廉哥嘅可愛賣萌樣。

  「忌廉哥」係本港嘅網紅明星,曾經同主人喺尖東一個報紙檔看店,吸引唔少市民慕名前來。隨著便利店結業,「忌廉哥」與主人亦暫時休息。直到其主人開始喺油麻地營運寵物食品店「忌廉家族」,「忌廉哥」終於再次復出。

Kelly Chu


hd