Executive日記——《多啦A夢》郵票轉眼搶光 郵迷:多人儲難大升值

  今年係多啦A夢面世五十周年!為咗紀念,日本郵政五月二十日推出咗一系列懷舊風嘅手繪卡通郵票,香港郵政喺昨天推出多套外地精選集郵品,當中包括呢套《多啦A夢》紀念郵票,吸引咗好多粉絲搶購,聽集郵迷講,開售一小時就售罄,但佢話卡通郵票多人收藏,但一般好難炒得起,唔會大升值喎。

  香港郵政昨天喺全線三十八間集郵局發售外國郵政機構嘅精品,包括日本郵局為紀念多啦A夢嘅五十周年,日本郵政以陪伴幾代人成長、深受不同年齡層讀者喜愛嘅《多啦A夢》漫畫系列作郵票主題,發行兩款貼紙式郵票。「多啦A夢」八十四日圓郵票小全張(貼紙式)以早期「多啦A夢」與大雄之間嘅故事設計。而「多啦A夢」六十三日圓郵票小冊子(貼紙式)嘅封面就印有「多啦A夢」與隨意門嘅圖案。

  Kelly身邊有唔少多啦A夢嘅粉絲,佢哋一早去買番一套留念。亦有集郵朋友去買一套,但佢話鍾意多啦A夢好得意,但唔會預期呢套郵票會大升值,因為一般卡通郵票,除非有特殊意義,通常唔會炒得好勁。

Kelly Chu


hd