Executive日記——訪壁屋懲教所 分享經歷 子丹詩詩勉青少年自強

  國際巨星甄子丹(Donnie)連同太太汪詩詩(Cissy)好有心,去壁屋懲教所探訪,向一眾青少年在囚人士送上關愛。Donnie以自己人生嘅低潮經歷,鼓勵在囚者逆境自強,積極面對人生,仲話:「無人係宇宙最強,但每一個人都可以變得更強,希望大家繼續努力奮鬥。」Kelly聽完都覺得好佩服。

  Donnie接受由青少年在囚人士組成嘅「小記者」訪問,分享自己喺九十年代中後期,經濟逆轉加上電影市道持續低迷,陷入前所未有嘅困境,銀行結餘只有百零蚊,佢抱着永不放棄嘅信念,咬緊牙關,努力工作,終渡過難關。佢鼓勵在囚人士即使面對逆境亦不要輕言放棄,要樂觀面對生命中不同挑戰,難關便會迎刃而解。

  一向鍾愛咖啡嘅Donnie和Cissy,去到壁屋懲教所嘅餐飲訓練工場Café Rehapuccino,品嚐由青少年在囚人士烹調的咖啡,仲即場交流拉花技巧。兩人以初試啼聲的咖啡拉花為喻,勉勵在囚者唔好因為犯錯而氣餒,只要決心改過,一定可以好似手上啲咖啡拉花咁,重新綻放生命姿采。作為一位父親,Donnie又同在囚人士分享親子相處之道,強調「互相體諒、理解、扶持和幫助」好重要,鼓勵佢地勇於踏出一步,與家人重建關係。

Kelly Chu


hd